Die Here is voor jou om die pad gelyk te maak.
Die Here is langs jou om jou hand vas te hou.
Die Here is agter jou om die Bose te verslaan.
Die hand van die Here is onder jou om jou te dra as jy swak is en jou op te help as jy val.
Die Here is rondom jou om jou te beskerm.
Die Here is bokant jou om jou te seën.
Die Here is binne-in jou, want Hy lei jou deur sy Heilige Gees.
Die Here is vir jou, want Jesus pleit vir jou.
Die Drie-enige God is by jou, van nou af tot in ewigheid.
Amen.
Views: 1344
Goeie middag Jaco.
Ek het hierdie mooi seenbede van die vroee kerk al in die verlede gebruik, maar vind nie nou die bron hiervan nie.
Kan jy asb help met die bron hiervan?
En ook, is daar ‘n engelse vertaling hiervan?
Groete.
Joop van Schaik (ook predikant. by GK Randburg)
Hallo Joop
Ek kan nie meer onthou waar ek dié bede gekry het nie. Ek kan ook nie onthou of ek dit self vertaal het, en of ek dit so gekry het nie. Ek het wel ‘n soortgelyke vorm van dié bede in die “Gebedeboek met Liturgiese Voorstelle” gekry, wat deur die Sinodale Eredienskommissie van die Oos-Kaapse Sinode van die NG Kerk uitgegee is (Lux Verbi, 2001). Verder is daar ‘n variant van dié bede in “The Worship Sourcebook, Second Edition”:
May God go before you to lead you.
May God go behind you to guard you.
May God go beneath you to support you.
May God go beside you to befriend you.
Do not be afraid.
Let the blessing of God—the Father, the Son, the Holy Spirit—
come upon you today and settle in around you.
Do not be afraid.
Go in peace to love and serve the Lord. Amen.