Lees ook
“Selfs al gaan ek deur donker dieptes, sal ek nie bang wees nie, want U is by my. In u hande is ek veilig.” (vers 4)
As ’n mens die psalm vinnig lees, kan jy maklik die indruk kry dat Dawid die lied gekomponeer het in ’n tyd toe dit goed gegaan het. Hy praat immers van groen weivelde en waters waar daar vrede is; van ’n feesmaal waarop hy soos ’n eregas bederf word. Daar is egter baie goeie redes om te vermoed dat hierdie psalm nie ontstaan het in ’n tyd van rus en oorvloed nie, maar in ’n tyd van diepe nood. Daarvan getuig die teëstanders (vers 5) en natuurlik die donker dieptes (vers 4). Hy gebruik
ook woorde wat eerder in ’n oorlogsituasie pas as in vredetyd.
Dawid is in die moeilikheid as hy hierdie lied maak, en tog klink daar ’n innerlike vrede deur sy woorde. Sy geheim: “U is by my. In u hande is ek veilig.”
In tyd van groot onsekerheid en selfs nood mag ons as gelowiges rus en kalmte vind in die wete dat God ons vashou. Daarom, moenie angstig rondkyk nie. Kyk op, en leef!
