Here God
Voor ons op die tafel is brood en wyn;
’n klein stukkie brood vir elkeen, en skaars ’n slukkie wyn.
En tog is dit soveel meer – dit is Uself wat U hier voor ons kom breek en uitgiet.
Want dit is nie net brood en wyn nie, dit is u liggaam, u bloed, geoffer vir ons.
Dankie, Here, vir u offer. Dankie dat U ons só liefhet.
Ons voel onwaardig dat U die hoogste prys betaal het vir ons, want ons is sondaars wat niks by U verdien nie.
Ons prys U oor u groot liefde en genade vir ons.
Seën ons dan nou wanneer ons die brood eet en die wyn drink.
