Ons loof U, Allerhoogste God,
heerser en regter oor almal.
Aan U behoort die lof en die heerlikheid vir ewig.
Mag die lig van u teenwoordigheid wat die heiliges ervaar
ook óns vergesel op ons reis en ons voetstappe verlig
in die duisternis van hierdie vlietende tyd.
Mag ons u heerlikheid op hierdie dag weerspieël
en so voorberei word om u aangesig te sien
in die hemelse stad waar dit nooit meer nag sal wees nie.
Geloofd sy God, Vader, Seun en Heilige Gees.
vertaal uit The Archbishops’ Council of the Church of England
