Gebed vir Paasfees

vertaal uit The Archbishops’ Council of the Church of England

Here van alle lewe en mag,
deur die magtige opstanding van u Seun
het U die ou orde van sonde en dood oorwin
en alles in Hom nuut gemaak:
Gee dat ons, wat dood is vir sonde
en leef vir U in Jesus Christus,
met Hom mag heers in heerlikheid.
Aan Hom kom toe lof en heerlikheid, eer en mag
saam met U en die Heilige Gees,
nou en in alle ewigheid.