Die vreemdeling
Die verhaal van Abraham, die vader van die gelowiges, en sy vrou Sara. Hulle moes leer dat God se beloftes genoeg is, al verstaan jy nie aldag hoe God met jou besig is nie.
In die skadu van ‘n engel
God se sorg vir ons is baie meer omvattend as wat ons dink. In hierdie opwindende verhaal leer ons dit verstaan aan die hand van Elsabet, ‘n gebroke vrou, en haar kollegas by ‘n kleindorpse dagblad.
Jesus (Yeshua)
die Messias van God
In hierdie roman doen Nikodemus navorsing oor wie Jesus is. Ons beleef saam met hom die laaste week van Jesus se lewe. Ek beveel die boek aan om te lees in die Lydenstyd,
Lea, met die sagte oë
Hierdie is die verhaal van Lea, Jakob se eerste vrou. Sy is ongeliefd, want Jakob het net oë vir haar suster Ragel. Sal sy ooit die plek in Jakob se hart verower waarop sy as eerste vrou geregtig is?
Lees die Bybel saam met my (deel 1)
In kort oordenkings lees ons die Bybel, hoofstuk vir hoofstuk. Hierdie boek het oordenkings vir ‘n jaar.
Lees die Bybel saam met my (deel 2)
In kort oordenkings lees ons die Bybel, hoofstuk vir hoofstuk. Hierdie boek het oordenkings vir ‘n jaar.
Lees die Bybel saam met my III
Hierdie is die 3de boek in die reeks, waarin ek ‘n oordenking vir elke hoofstuk van die Bybel geskryf het. Dit bestaan uit 365 bladsye. Hierdie boekie behandel die Bybelboeke Levitikus, Numeri, Josua, 1 en 2 Konings, Ester, Job, Esegiël, Hosea, Obadja, Sefanja, Haggai, Markus, Lukas, 2 Korintiërs, Efesiërs, Filippense, Kolossense, 1 & 2 Timotus, Hebreërs, Jakobus en 1, 2 en 3 Johannes.
Mans uit die Bybel
52 verhale van mans uit die Bybel, met aantekeninge en oordenkingsvrae daarby. 216 bladsye
Maria, die ma van God se Seun
Maria se lewe word omgedop, die dag toe die engel haar kom besoek. Nooit het sy kon dink dat haap “ja” vir God haar lewe só ingrypend sou verander nie. Dit het ál haar verhoudings beïnvloed, die meeste van alles haar verhouding met God. God was nie meer net God nie; Hy was nou ook haar Seun se Vader. En haar Seun het soms baie vreemd opgetree. Sy het soms nie geweet wat om met Jesus te maak nie. Haar ander kinders het ook gesukkel om vrede te maak met hulle oudste broer. As ma moes sy alles in die stryd werp om haar gesin bymekaar te hou.
Maria moes leer …
• haar eie drome en ideale kan nooit voor God se meesterplan inskuif nie
• haar wonderlike Seun is in baie opsigte ook ‘n vreemde Seun, met ‘n eie roeping
• om God lief te hê, al is Hy baie anders as wat sy gedink het
• dat God nie altyd inpas in háár prentjie van Hom nie.
Eers toe Maria hierdie dinge leer, kon sy vrede met God maak, en haar spesiale plek in sy plan met dankbaarheid aanvaar. Hierin het sy ‘n gelowige vrou geword wat ons elkeen kan navolg.