Jesus is nie meer hier nie. Hy’s weg.
’n Wolk het Hom hemel toe gevat.
Jesus, waar is U? Ons het U hier op aarde nodig;
u vriendelike oë, u helende hande, u troostende teenwoordigheid.
U is nie meer op aarde nie, Here. En tog –
U raak steeds die stukkendes aan met sagte hande,
U kyk steeds ontfermend na mense in nood,
U deel steeds brood uit aan die hongeriges,
U soek steeds die eensames op ...
U het nie meer hande of voete of oë op aarde nie,
maar U het tog: myne, en joune; ons s’n.
Óns is nou u hande en voete en stem en oë,
óns is u liggaam, u teenwoordigheid.
Óns bring troos in hartseer, ontferming in nood.
U is steeds hier, nou, op aarde.
Deur ons.
na ’n gedig van Teresa van Avila
Views: 41
