Die besluit van God is gegrond op uitverkiesing; dit hang dus nie af van wat ’n mens doen nie, maar van Hom wat jou roep. (vers 11-13)

Wanneer die Bybel oor die uitverkiesing praat, is dit met verwondering. Dit gaan immers oor die wonder dat ons, wat sondaars is en niks by God verdien nie, dat juis óns deur Hom gered is. In die Bybelse spreke oor die uitverkiesing juig die gelowige oor God se liefde wat so groot is dat Hy sy enigste Seun nie gespaar het nie, maar Hom oorgelewer het om ons almal te red (Rom 8:32; vgl Joh 3:16).
Die uitverkiesing kan alleen vanuit die geloof verstaan word. Dit kom voort uit die ontdekking dat dit nie jou eie prestasie is dat jy glo nie, maar die werk van God in jou hart, ’n werk wat Hy lank voordat jy dit besef het, al in jou lewe begin het.
Die fout wat ons maak, is om teoreties oor die uitverkiesing te dink. God het nie ’n uittelrympie gebruik om mense te kies nie. Nee, Hy kies en roep mense om in sy diens te staan. Jy is uitverkies om God se werktuig op aarde te wees.

image_pdfimage_print

Views: 16

Teken in op my artikels

Teken in op my artikels

As jy inteken, kry jy al die artikels in jou epos posbus!

Sukses! Dankie dat jy ingeteken het.